Жээнбековду экс-президент статусунан ажыратуу жол-жобосун баштоо. ИИМге Атамбаевдин адвокатынан кайрылуу келип түштү
Замир Жоошев Башкы прокуратура айрым иштерди Сооронбай Жээнбеков чет өлкөдө жүргөндө аткарат деп үмүттөнөт
Алмазбек Атамбаевдин адвокаты Замир Жоошев Ички иштер министрлигинин Тергөө кызматына укук коргоо кызматкерлери Сооронбай Жээнбековду экс-президент статусунан ажыратуу жол-жобосун козгоп жаткандыгы жөнүндө өтүнүч менен кайрылды. Бул тууралуу Vesti.kg сайтына жактоочу өзү билдирди.
Анын айтымында, кайрылуу 2020-жылдын 9-октябрында Ала-Тоо аянтында болгон массалык башаламандыктар боюнча иштин алкагында жасалган.
"Менин кардарларым Фарид Ниязов жана Канат Сагымбаев бул башаламандыктарды уюштурган деп негизсиз шектелип жатышат", - деп түшүндүрдү адвокат. - Фарид Ниязов бул иш боюнча төртүнчү айдан бери СИЗОдо отурат. Ошол эле учурда, ММКларда саясий ишмерлер Өмүрбек Бабанов менен Өмүрбек Текебаевдин маектешүүлөрү жарыяланып, алар Сооронбай Жээнбековдун жеке жолугушуусунда, алардын ар бирине 2020-жылдын 9-октябрындагы башаламандыктарды уюштурууга катышкандыгы жөнүндө журналисттерге билдирген. Башкача айтканда, аянттагы чагымчылардын жарымынан көбү Сооронбай Жээнбековдун адамдары болгон. Буга байланыштуу кылмыш ишинин алкагында күбөлөрдү дагы, Жээнбековдун өзүн дагы суракка алуу керек.
Жоошев бир күн мурун Ички иштер министрлигине арыз менен кайрылгандыгын тактады.
- Мен кечээ Кыргыз Республикасынын Ички иштер министрлигинин ККине аталган тергөө иш-чараларын жүргүзүү жана Башкы прокуратура аркылуу Сооронбай Жээнбековду экс-президенттин статусунан ажыратуу жол-жобосун козгоо жөнүндө өтүнүч келтирдим. Анткени "Кыргыз Республикасынын Президентинин ишмердигинин кепилдиктери жана экс-президенттин статусу жөнүндө" Мыйзамдын 12-беренесинде, - деп кошумчалады юрист. - Экс-президент кайтып келгенче, Ички иштер министрлиги Башкы прокуратура менен биргеликте бул макамдан ажыратуу үчүн иштин жок дегенде жарымын жасайт деп ишенем.
Эске сала кетсек, кечээ Сооронбай Жээнбеков жубайы менен Меккеге кичи ажылыкка барганы учуп кеткени белгилүү болду.
Максат Асанов
Фото www