Турак жай жана жарандык курулуш департаментинин директору кармалды

УКМКнын АКСи республикада социалдык объектилердин курулушуна бөлүнгөн бюджеттик каражаттарды өздөштүрүүдө Мамлекеттик архитектура, курулуш жана турак жай-коммуналдык чарба агенттигиндеги (мындан ары Мамкурулуш) коррупциялык схеманы токтотту.

Тактап айтканда, Мамкурулуштун Турак жай-жарандык курулуш департаменти (мындан ары - ДЖГС), ага берилген ыйгарым укукка ылайык, республикалык бюджеттин эсебинен социалдык объектилерди куруу жана оңдоо боюнча бирдиктүү мамлекеттик заказчы болуп саналат. Ошол эле учурда социалдык объектилерди курууга жана оңдоого республикалык бюджеттен бир топ каражат бөлүнөт.

Мамкурулуштун кызмат адамдары материалдык жана башка артыкчылыктарды алуу максатында, өз ыйгарым укуктарын мыйзамсыз пайдаланып, системалуу негизде курулуш компанияларынын өкүлдөрүнөн аларды ишке ашырууга мүмкүнчүлүк берүү менен, өзгөчө ири өлчөмдө акча каражатын алышкан. Жүргүзүлгөн атайын тергөө иш-чараларынын жүрүшүндө, курулуш компанияларынын биринин өкүлдөрү тарабынан Мамлекеттик курулуш комитетинин жооптуу кызматкерлерине 1 миллион 400 миң сом өлчөмүндө акча каражатын которуу фактысы документтештирилген.

Жооптуу чиновниктер тарабынан жасалган мындай иш-аракеттер социалдык объектилердин сапатсыз курулушу коркунучун жаратат, ошондой эле сапатсыз курулуш материалдарын колдонууда жана иштин көлөмүн ашыра көрсөткөндө мамлекетке финансылык зыян келтирет.

Өткөрүлгөн иш-чаралардын жыйынтыгы боюнча, "А.А.К." ЖГС директору жана «Э.Р.К.»  инвестициялык долбоорлорду ишке ашыруу боюнча координациялык топтун директору кармалып, УКМКнын убактылуу кармоочу жайына киргизилген.

Учурда керектүү тергөө иш-чаралары жүргүзүлүп жатат.

УКМКнын пресс-борбору
Фото www