Тилек Токтогазиев: 5-октябрда Матраимовду түрмөгө отургузуу үчүн аянтка чыктык
Экс-министр Бажы башчысынын мурдагы орун басары жазаланышы керектигин белгиледи
Экс-айыл чарба министри Райымбек Матраимовго байланыштуу соттун чечими боюнча пикирин кечээ Facebook баракчасына билдирди.
- Райымбек Матраимовдун иши боюнча соттун чечими бүгүн гана чыкты, - деп жазат Тилек Токтогазиев. - Матраимов түрмөдө отурушу керек, анткени уурулар жазаланышы керек. Бул дагы менин принципиалдуу позициям. 5-октябрда биз аянтка үч шарт менен чыктык: шайлоонун жыйынтыгы жокко чыгарылсын, Сооронбай Жээнбеков кетсин, Матраимов түрмөгө отурсун деп. Акыркы талап болгон.
Ал министр болуп туруп, ар дайым өз позициясын билдиргенин белгиледи.
"Кээ бир адамдар мени жемелешет, алар министр болуп туруп, өз позициясын айткан жок жана унчуккан жокдеп айтышат", - деп түшүндүрөт Токтогазиев. - Мен аларга жооп катары 2020-жылы 18-ноябрда министр болуп туруп, жаңы Конституциянын кемчиликтери жөнүндө ачык айткам. Мен ага каршы болчумун. Өкмөттүн мүчөсү катары мен креслону кармаган жокмун, кетүүгө камданып, өз позициямды ачык билдирдим. Бул чечимди мен өз тобум менен биргеликте кабыл алдык.
Экс-министр ошондо дагы ал министрлер кабинетине кызматтан баш тартпайм деп айткандыгын айтат.
"Жаңы Конституцияга каршы экенимди жазганымда, мени өкмөткө чакырышты" дейт ал. - Алар министрлер кабинетинин мүчөлөрү саясатка аралашпашы керек деп айтышты. Мен анда кандайдыр бир мыйзамсыз нерсе болсо, анда мен дароо бетиме айтам, интригаларга катышпайм жана бул менин принципиалдуу позициям деп айттым.
Фото www