Чек арачылар жана УКМК кызматкерлери аткезчилик жол менен ташууну токтотушту
Баткен облусунда Тажикстандын алты жараны кармалды
Лейлек чек ара отрядынын чек арачылары УКМКнын кызматкерлери менен биргеликте контрабандалык жүктөрдү мамлекеттик чек арадан мыйзамсыз алып өтүүнү токтотушту.
Баткен облусунун Лейлек районунун Борбордук аймагында кызмат өтөп жатып, чек арачылар жана УКМКнын кызматкерлери Тажикстандын 6 жаранын жана Shacman үлгүсүндөгү 2 жүк ташуучу унааны таап, кармашкан.
Тажикстандын жарандары жүктөрдү - селитраны мүшөктөргө жүктөп жатышкан.
Жүк ташуучу унаалар Тажикстандан келген идентификациялык номурлар менен болгон.
Экспертизанын жүрүшүндө чек арачылар жана УКМКнын кызматкерлери уруксат кагаздары жок 338 мүшөк селитраны табышкан.
Бул жүк өткөрүү пунктунан тышкары Тажикстанга мыйзамсыз жол менен жөнөтүлмөкчү болгон.
Тиешелүү документтер толтурулгандан кийин кармалгандар, жүк жана жүк ташуучу унаалар кошумча иликтөө үчүн компетенттүү органдардын кызматкерлерине өткөрүлүп берилди.
Кыргыз Республикасынын МЧКК жана ЖМК менен байланыш бөлүмү
Фото www