Кенжебек Бокоев президентти сотторду дайындоо мүмкүнчүлүгүнөн ажыратууну сунуштады
Депутат бул өзүнчө бийлик бутагы экендигин, андыктан мамлекет башчысы ал жакка кийлигишпеши керектигин эске салды
Депутат Кенжебек Бокоев ЖКнын пленардык жыйында президентти сотторду дайындоо ыйгарым укуктарынан ажыратууну сунуштады, анткени бул өзүнчө бийлик бутагы.
"Сотторду дайындоо маселеси президентти айланып өтүп, парламентке келиши керек" деди ал. - Соттор өзү сотторду дайындашы керек, анткени бул өзүнчө бийлик бутагы. Анда талапкерлер парламентте талкууланышы керек, анткени депутаттар элдин өкүлдөрү. Биз спикерди өзүбүз дайындайбыз, бирок эмне үчүн алар аткара алышпайт? Президент буга жолтоо болбошу керек.
Эл өкүлү сот тутуму ар дайым президентке көз каранды болуп келгендигин белгиледи.
-Эгер менин сунушум ишке ашпай калса, анда президенттин сотторду дайындоодон баш тартууга укугу жок экендигин текшеришибиз керек, - деди Бокоев. - Мисалы, Атамбаев каалаган адамын сот кылам деп дайындаган жана ушул жерден сот бутагы мамлекет башчысына көз каранды болгон.
Мирайым Алмаспек кызы
фото www