Рыскелди Момбеков Кумтөрдү Бермуд үч бурчтугуна салыштырды
Депутат алтын кенинен түшкөн акчанын бардыгы кайда экенин түшүнбөйт
Жыл сайын депутаттар Кумтөр алтын кенин текшерүү үчүн атайын комиссия түзүшөт, бирок Кыргызстандын дивиденддери азайып баратат. Мындай пикирин депутат Рыскелди Момбеков Vesti.kg менен бөлүштү.
"Кызык, биздин Кумтөрдөн түшкөн пайда жыл сайын азайып баратат", - деп түшүндүрдү ал.
-Мисалы, элестетип көрсөңүз, баштапкы келишимде мамлекеттин үлүшү 65 пайызды түзсө, азыр 26,5ке жетти. Жаңы комиссия эми эскисин текшерип жатат. Башкача айтканда, 2012-жылдан берки документтер. Эмне үчүн 2003-жылдан ушул күнгө чейин текшерип баштасак болбойт?
Мындан тышкары, парламентарийдин айтымында, канча алтын сатылганын жана канча запасы калганын такташ керек.
"Ошондой эле, учурда Кумтөрдө канча акционер бар экендигин билүү да маанилүү", - деп сөзүн улады Момбеков. - Ошол эле учурда, ушул тармактын ишмердүүлүгүнө байланыштуу бардык коррупционерлерди аныктоо керек. Менин милдетим жөнөкөй - адамдар чындыгында эмне болуп жаткандыгын билиши үчүн, чындыкты элге жеткирүү.
Насипа Турарбекова
фото www