Бишкек шаарындагы СИЗО-1дин мурунку башчысы Марс Жусупбеков кызмат ордуна келди
Бир күн мурун ал өзүнүн кызматтык милдеттерин баштаган
Бишкектеги СИЗО-1дин буга чейин соттолгон жетекчиси Марс Жусупбеков кызмат ордуна кайтарылды. Бул тууралуу Vesti.kg сайтына анын жактоочусу Икрамидин Айткулов билдирди.
Адвокаттын айтымында, Жусупбеков кызматтык милдетин кечээ баштаган.
Эскерте кетсек, 2013-жылдын 29-ноябрында СИЗО-1дин башчысы Марс Жусупбеков Кыргыз Республикасынын Кылмыш-жаза кодексинин 304 "Кызматтык абалынан кыянаттык менен пайдалануу" жана 305 "Кызматтык ыйгарым укуктарынан аша чабуу" беренелери боюнча кылмыш жасаган деп шектелип кармалган. Сот аны күнөөлүү деп таап, 4 жылга күчөтүлгөн тартиптеги колонияга кескен.
Андан кийин, 2019-жылдын 17-июлунда, Жогорку Сот адвокаттын жаңы ачылган жагдайлар боюнча өтүнүчүн канааттандырып, ишти жаңы сот жараянына жөнөттү.
2019-жылдын декабрь айында Октябрь райондук соту Марс Жусупбековду кылмыш курамынын жоктугу үчүн актап, анын реабилитациялоо укугун тааныган.
Фото www