"Кыргызстанга инвестиция салбагыла!" Түрк ишкери Эрдоганга кайрылып жатат.

Бишкекте "Таксим" кафеси жабылды, анын ордуна соода борбору курулат. Бул тууралуу мекеменин ээси Али Салих Ифлазоглу Фейсбукта жарыялады.

"Бүгүн мен акыркы видеомду жаздырып жатам" деди ал. - Эртең кафе толугу менен жабылат. Мен бул видеону башка инвесторлорго эскертүү үчүн: Кыргызстанга инвестиция салбагыла, акчанышамалга таштабагыла деп жазып жатам. Бүгүн сот отуруму болду, бирок чечим күчүндө калды - менин кафемди бузуп, ордуна соода борборун куруу. Менин он төрт жылдык эмгегим бузулуп жатат.

Ишкер Түркиянын Президентине жана инвесторлорго кайрылып, Кыргызстанда мыйзамдар иштебегендиктен, Кыргызстанга инвестиция салбоого чакырды."2007-жылы Түркиянын президенти бир жолугушууда ата-бабаларыбыздын жерлерине инвестиция салуубуз керек деп айткан" деди ал. - Мен так ушундай кылдым, мен 14 жыл мурун Кыргызстанга келип, 470 миң доллар сарптап, бул жерде үй-бүлөлүк кафе ачтым. Акыры мени алдап, акчамды уурдап, андан тышкары күнөөлүү деп эсептешти. Кафе бузулуп жатат, анын ордуна соода борборун курууну каалашат. Мен 12 жыл бою ушул мекемени ачып, кооз үй-бүлөлүк кафе түзүп, элүү кыргызстандыкты жумуш менен камсыз кылып, ушул өлкөнүн күйөө баласы болгонума карабастан, мага эч ким жардам берген жок. Түркиянын элчилиги дагы, Кыргызстандын президенти дагы, башка адам дагы.

Инвестор акыркы 40 күндөн бери анын мекемеси генератордун жардамы менен иштеп келгенин, бирок ал адилеттүүлүк орнойт деп үмүттөнөрүн белгилейт.

- Бул эмне, Африка? - чет элдик адам ачууланды. - Кырк күн мурун алар электр жарыгыбызды өчүрүп салышкан, бүгүн болсо сууну өчүрүп салышты. Ушул убакытка чейин мен генератор менен иштешип,  акыйкаттык жеңип, баары жайында болот деп үмүттөнгөм.Эгерде сотто деле мага: "Сен бул ишти уттуруп жибересиң, анткени биз кыргызбыз, сен болсоң турксуң!" - дешсе, Кыргызстандагы мыйзамдар иштейт деп айта алабызбы. Алар мени коркутуп, кафени жаап салууну талап кылышкан, спортчуларды, бандиттерди, полиция кызматкерлерин жиберишкен, тогуз ай мурун алар менин үй-бүлөмдү өлтүрөбүз деп айтышкан, ал тургай бир жолу бутума ок атышкан.

Ишкердин айтымында, президенттин өлкөгө инвесторлор керек деп айтканы куру сөз, анткени чындыгында эч ким алардын укугун коргобойт.

"Кыргызстандын Президенти бул жакка башка өлкөлөрдүн инвесторлорунун келишин каалайт, бирок мунун баары куру сөз, анткени бул жерде эч ким өз укугун коргобойт", - деп сөзүн жыйынтыктады Ифлазоглу. - Инвесторлор келишет, андан кийин алар коркуп, үй-бүлө мүчөлөрүнөн коркушат, эч ким жардам бербейт. Инвестор акыйкатчысы же башка коргоо уюму жок. Түрк элчилиги эч кандай реакция кылбайт жана түрктөрдүн Кыргызстандагы укугун эч ким бузбайт дегендей түр көрсөтүүдө. Бул жерде биздин эч кимге керегибиз жок.

Мирайым Алмаспек кызы
фото www