Клара Сооронкулова: Шайлоонун жыйынтыгын тааныбайбыз, анткени таза күрөш болгон жок

"Реформа" партиясынын лидери, Конституциялык палатанын экс-судьясы Клара Сооронкулова Vesti.kg сайтына жергиликтүү кеңештердин депутаттарын шайлоонун алдын ала жыйынтыктары жөнүндө комментарий берди.

Анын айтымында, алардын саясий бирикмеси добуш берүүнүн жыйынтыгын тааныбайт, анткени ал таза эмес өткөрүлгөн.

"Көпчүлүк прогрессивдүү күчтөрдүн биригүүсү канчалык маанилүү экендигин ушул убакка чейин түшүнө электиги уят иш", - деди Сооронкулова. - Таза күрөш жана таза шайлоо болгон жок, ошондуктан алардын жыйынтыгын тааныбайбыз. Парламенттик шайлоодо болгондой, пара алуу жолу менен элдин эрки бурмаланды. Биз күрөштү улантабыз.

Ошол эле учурда Сооронкулова позитивдүү компонентти белгиледи - анын пикири боюнча, жаштар «ойгонуп», саясий активдүүлүккө ээ болушту.

"Бул шайлоонун оң учуру - жаштар ойгонгону, биз алардын бышып жетилгенин көрөбүз" деп баса белгиледи мурдагы президенттикке талапкер. - Кыргызстанда авторитардык бийлик керек деп ойлогондор терең жаңылышып, өзүлөрүн туюкка кептеп жатышат. Жаңы жаш уруу пайда болду, аны жөнгө салуу кыйынга турат.

Эске салсак, жергиликтүү кеңештердин депутаттарын шайлоо жана Конституцияга өзгөртүү киргизүү боюнча референдум бир күн мурун өткөрүлгөн. Алдын ала жыйынтыктар боюнча Бишкек шаардык кеңешине төрт партия өткөн.

7 пайыздан жогору “Биздин Эл” (9,09 пайыз), “Ата Журт Кыргызстан” (9,17 пайыз), “Ак Бата” (14,04 пайыз) жана “Эмгек” (14,18 пайыз), НДПК (10,42 пайыз), “Ынтымак” (7,40 пайыз).

Шайлоо участкаларына келгендердин 79 пайыздан ашыгы Баш мыйзамга өзгөртүү киргизүү үчүн добуш берди.

Элдос Казыбеков
Сүрөт www