Сот Атамбаевдин ден-соолугунун абалын аныктоо үчүн ага соттук-медициналык экспертиза жүргүзүү чечимин чыгарды
Мурунку мамлекет башчынын адвокаты судья өзүнүн иш-аракеттери менен №47 колониянын башкы дарыгерине ишенбөөчүлүк көрсөтүүдө деп эсептейт
Экс-президент Алмазбек Атамбаев ден-соолугунун абалын аныктоо үчүн соттук-медициналык экспертизадан өтөт. Бул маалыматты Vesti.kg сайтына анын адвокаты Замир Жоошев тастыктады.
Анын айтымында, Атамбаевдин ден-соолугун текшерүүнү чечкен судья №47 ИКнын башкы дарыгерине ишенбөөчүлүк көрсөттү.
- Биринчи Май райондук сотунун судьясы Азирет Медеров экспертиза дайындоо маселесин өз демилгеси менен көтөрдү, - деп түшүндүрдү Жоошев. - Атамбаевге окшоп №47 түзөтүү колониясында отурганда, ден-соолугунда эч кандай жакшыруу байкалбайт. Иш жүзүндө, айыпталуучу айыгып кетмейинче, процессти токтотуу керек. Сот өзүнүн иш-аракеттери менен колониянын башкы дарыгерине ишенбөөчүлүк көрсөттү. Корутунду объективдүү болот деп ишенем.
Ошентип, экспертиза жүргүзүлүп жаткан мезгилге карата сот отурумдары убактылуу токтотулган.
Элдос Казыбеков
Сүрөт www