ДССУ коронавирусту дарылоо үчүн уу коргошунду сунуш кылбайт
"Клиникалык сыноолордон өтпөгөн дарыны каттоодон өткөрүү жана калкка кеңири колдонууга сунуштоо мүмкүн эмес."
Кыргызстандагы Дүйнөлүк саламаттыкты сактоо уюму коронавирусту уу коргошундун тундурмасы менен дарылоо боюнча өз оюн билдирди.
Төмөндө биз кайрылуунун толук текстин жарыялайбыз:
“Дүйнөлүк саламаттыкты сактоо уюму (ДСУ) Кыргызстандагы Aconítum soongáricum (Ысык-Көл тамыры) COVID-19 дартын дарылоо үчүн өлкөдө колдонуу боюнча жаңылыктардын өнүгүшүн тыкыр көзөмөлдөп жатат жана төмөнкүлөрдү билдирет:
Бүткүл дүйнө жүзү боюнча клиникалык изилдөөлөр дары-дармектерди иштеп чыгуунун ажырагыс этабы болуп саналат, бул алардын каттоосунан жана медициналык кеңири колдонулушунан мурун. Клиникалык сыноолордо, анын эффективдүүлүгү жана коопсуздугу жөнүндө маалымат алуу үчүн жаңы дары изилденип жатат. Ушул маалыматтардын негизинде саламаттык сактоонун ыйгарым укуктуу органы дары-дармектерди каттоодон өткөрүү же каттоодон баш тартуу жөнүндө чечим кабыл алат. Клиникалык сыноолордон өтпөгөн дарыны каттоого жана калктын кеңири колдонуусуна сунуштоого болбойт.
Учурда ДССУда COVID-19 дарылоо үчүн Aconítum soongáricum эффективдүүлүгү жана коопсуздугу жөнүндө маалыматтар жок. Мындай маалыматтарды алуу үчүн, анын фармакологиялык касиеттерин изилдөө (клиникалык жана клиникалык чейин) эл аралык таанылган стандарттарга ылайык изилдөө керек.
Өз алдынча дарыланбоо өтө маанилүү жана эгер COVID-19 инфекциясынын белгилери байкалса, дароо медициналык мекемелерден жардам сураңыз.
ДССУ сизден сактык чараларын көрүүнү улантууну катуу сунуштайт: физикалык аралыкты сактаңыз, маска кийиңиз, колуңузду тез-тез жууңуз, дезинфекциялоочу каражаттарды колдонуңуз, жайларды желдетиңиз жана симптомдор бекитилген протоколдорго ылайык пайда болгондо COVID-19 тестин тапшырыңыз. ”
Сүрөт www