Бажы кызматкери мамлекетке 1 миллион сомдон ашык зыян келтиргендиги үчүн кармалган
Түштүк-Батыш бажы инспектору товарларды бажы төлөмдөрүн арзандаткан түрдө өткөргөн
21-апрелде атайын кызматтын кызматкерлери Мамлекеттик бажы кызматынын Түштүк-Батыш бажысынын бажы эрежелерин сактаган топтун инспекторун Э.И.С. кармады.
Кармалган адам Кыргыз Республикасына ар кандай эл керектөөчү товарларды ташып келүү менен алектенген жеке ишкерлер менен тил табышып, бажы алымдарын төмөндөтүлгөн баада ташып келинген жүктөрдүн документтерине бажы процедураларын жүргүзгөндүгү аныкталды. Ошентип, мамлекетке 1 миллион сомдон ашык зыян келтирилген.
Бул факт КЖБРге Кыргыз Республикасынын Кылмыш-жаза кодексинин "Кызматтык абалынан кыянаттык менен пайдалануу"беренеси боюнча катталган.
Кармалган адам УКМКнын Ош шаары жана Ош облусу боюнча башкы башкармалыгынын тергөө абагына киргизилди.
Учурда бул факт боюнча тергөө-оперативдик иш-чаралар жүрүп жатат.
УКМКнын пресс-борбору
Сүрөт www