МСӨК бир катар мамлекеттик ишканалардын директорлорун ашыкча каржылык чыгымдарга байланыштуу бошотту
Ишканалардын кызматкерлери кадимкидей эле иштеп жатышат
Мамлекеттик санариптик өнүктүрүү кызматы билдиргендей, мамлекеттик маалымат тутумдарын иштеп чыгуу жана техникалык тейлөө боюнча функциялары кайталанган баш ийген мамлекеттик ишканалардын иштешин талдоонун натыйжасында ашыкча каржылык жана административдик чыгымдардын бар экендиги аныкталды.
Мындан тышкары, айрым мамлекеттик ишканалар мамлекеттик бюджеттен түздөн-түз субсидиялардын эсебинен, калгандары өзүн-өзү каржылоонун эсебинен колдоого алынган.
Ушуга байланыштуу, санариптик өнүгүү милдеттерин ишке ашырууга байланыштуу башкарууну жана персоналды оптималдаштырууга, ошондой эле административдик жана оперативдик ресурстарды үнөмдөөгө багытталган кайра уюштуруу максатында Мамлекеттик санариптик өнүгүү кызматынын алдындагы бир катар мамлекеттик ишканалардын директорлору өкмөттүн тиешелүү токтому менен ээлеген кызматынан бошотулду.
Белгилей кетүүчү жагдай, ишканалар жана бардык кызматкерлер кадимки режимде иштешет.
МСӨКнын басма сөз кызматы
Сүрөт www