Садыр Жапаров: Орозо айында көчөлөрдө арак сатылат. Ага салыштырмылалуу казино алда канча өйдөрөөк

Президент Садыр Жапаров Кыргызстан боюнча кумарканаларды ачуу керек деп эсептейт. Бул тууралуу ал өзүнүн расмий маегинде билдирди.

"Казинонун ачылышы - бул депутаттардын демилгеси" деп белгиледи мамлекет башчысы. - Мен аларды бул жагынан колдойм. Алар кумарканалар Ысык-Көлдө жана Баткенде ачылышы керек деп эсептешет. Мыйзам долбооруна толуктоолорду киргизүү боюнча президенттин аппаратына буйрук бердим, ага ылайык Бишкекте жана башка аймактардын административдик борборлорунда кумарканалар ачылат. Документ Жогорку Кеңештин кароосуна жөнөтүлөт. Кумар оюн жайлары биздин өлкөдө 2015-жылга чейин иштеп келген. Ал жерде ар бир жаран ойноого укуктуу болчу. Андан кийин айрым депутаттар жана саясатчылар аларды шантаж кыла башташты жана алардан "каттоодон өтүүнү" талап кылышты, башкача айтканда, аларды жаап салабыз деп коркутуп, пара сурашты. Кумарканалардын ээлери баш тартканда, парламент өкүлдөрү аталган мекемелерди жабуу боюнча мыйзам долбоорун кабыл алышты.

Президент бир дагы кыргыз жараны казиного кирип, ал жерде ойной албай тургандыгын баса белгиледи.

- Бир дагы кыргызстандык ал жакта ойноого мүмкүнчүлүк ала албайт, биз ушуну аткарабыз, - деп ишендирди Жапаров. - Ал жакка чет өлкөлүктөр гана бара алышат. Мен экономиканы аябай жаман абалда алдым, аны кандай болсо дагы көтөрүшүбүз керек. Бул мыйзам долбоорун Рамазан айында кабыл алгандыгыбыз эч нерсени билдирбейт. Көчөлөрдө арак сатышат, биз болсо салыкты ушул жерден алабыз. Харам да, туурабы? Ал эми, казино алда канча татыктуу. Бул иштен миллиарддаган каражат мамлекеттик казынага түшөт.

Бирок, ал өз тарапташтарын ага ишене берүүгө үндөдү.

"Кыргызстандыктардын 80 пайызы мени колдоп, мени президент кылышты" деп эскерди мамлекет башчысы. - Мага ишенгендер ишене беришет. Жана 5 жылдан кийин, жана 10 жылдан кийин мен сизди бетке ылай менен чапканга жол бербейм. Мага ишенип калганыңызга өкүнбөйсүз. Мага реформа жасаш үчүн убакыт керек.

сүрөт www