Сооронбай Жээнбеков Фонду кыргыз-тажик чек арасындагы жабыркагандарга 500 миң сом берди
Мындан тышкары, экс-президенттин фонду тарабынан Баткен облусуна 20 тонна ун жөнөтүлдү
Экс-президент Сооронбай Жээнбековдун фонду Баткен облусунун жарандарын колдоо максатында ыктыярдуу төгүмдөр үчүн атайын эсепке 500 миң сом которду. Бул маалыматты Vesti.kg сайтына Баткен облусунун администрациясы тастыктады.
Экс-мамлекет башчысы каражаттан тышкары 20 тонна ун жибергени такталды.
Эске салсак, ушул жылдын 28-апрелинде тажик тарап Головной суу бөлүштүрүүчү пунктунун жанындагы Көк-Таш айылына видеокөзөмөлдөөчү камераларын орнотууну баштаган. Тургундар орнотулган камераларды алып салууну талап кылышкан, бирок кийинчерээк эки тарап тең бири-бирине таш ыргытышкан.
Жаңжал андан ары кыргыз-тажик чек арачыларынын атышуусуна чейин жетип, натыйжада эки тараптан 40тай адам каза болгон.
29-апрелдин кечинде тараптар ок атышууну токтотууга макул болушкан, бирок кийинчерээк ок атышуу уланган.
Элдос Казыбеков
Сүрөт www