Депутат Шайлообек Атазов экс-президенттерди жана мурдагы премьер-министрлерди ЖКга чакырууну сунуштады
Парламентарийдин айтымында, ЖКнын учурдагы чакырылышы Кумтөр боюнча тарыхый чечим кабыл алган, ал Кремлде дагы талкууланып жатат
Депутат Шайлообек Атазов парламенттин бүгүнкү жыйынында Кумтөр маселесин кароого мурдагы премьер-министрлерди жана экс-президенттерди чакырууну сунуштады.
"Биз Акылбек Жапаровдун Кумтөр боюнча корутундусун уктук" деди Атазов. - Комиссиянын корутундусуна ылайык, 1992-жылдан 2020-жылга чейин өлкө тонолгон. Буга учурда бакубатчылыкта жашап жаткан көптөгөн чиновниктер катышууда. Кумтөр боюнча ушул келишимдер үчүн жооп берүүгө экс-президенттерди, мурунку премьер-министрлерди чакыруу керек. Алтынчы чакырылыштын депутаттары тарыхый чечим кабыл алышты. Бул тууралуу Кремлде деле талкуулап жатышат. Парламент канадалык компания менен түзүлгөн келишимдерге катышкан бардык чиновниктерди чакырышы керек. Темир тордун артында отургандар деле. Алар өз чөнтөктөрүн толтуруп, Кыргызстан үчүн жагымсыз келишимдерге кол коюшту. Баткен окуясы учурунда, пандемия учурунда элдин акчасы кеткенде бул чиновниктер кайда эле?
Дастан Советбеков
сүрөт www