Башкы прокуратура Азиз Суракматовдун миллиондогон долларлык байлыкты кантип топтогонун айтып берди
Борбор калаанын мурунку мэри өзүнүн тууганы, ЖКнын экс-депутаты менен биргеликте Бишкектен кымбат баалуу жерлерди мыйзамсыз алышкан, андан кийин сатып жиберишкен же ижарага беришкен
Башкы прокуратура Бишкек шаарынын мэриясында жана анын түзүмдүк муниципалдык ишканаларында коррупцияга каршы жана жер мыйзамдарынын аткарылышын текшерүү учурунда Бишкек шаарынын мурунку мэри Азиз Суракматов, Жогорку Кеңештин экс-депутаты Жаныш Кудайбергенов (А.Суракматовдун атасынын сабында турган тууган), муниципалдык жерди тендердин негизинде сатуунун белгиленген тартибине каршы коррупциялык схемаларды колдонуп, Бишкек шаарынын түштүк бөлүгүндө кымбат баалуу жер участогун жеке менчикке алышкан. Аянты 15 гектар, ошондой эле түштүк жана борбордун башка аймактарындагы жер тилкелери жакын туугандарына жана жакын адамдарга берип, алардын узак бөлүгүн курулуш компанияларына сатуу менен узак мөөнөткө ижарага берип. Калгандары кафелер, ресто-барлар, көп кабаттуу үйлөр курулуп, кийин сатылып же башка адамдарга ижарага берилген, натыйжада бул адамдар жана анын туугандары байлыгын бир нече эсе көбөйтүп, миллиондогон долларлардын ээлери болушкан.
Ушуга байланыштуу, Башкы прокуратура тарабынан Суракматов, Кудайбергенов жана башка жооптуу кызмат адамдарына карата чогултулган материалдар Кыргыз Республикасынын Кылмыш-жаза кодексинин 319-беренеси (коррупция) жана 329 (мыйзамсыз байытуу) боюнча катталды. Сотко чейинки өндүрүш башталды.
Башкы прокуратуранын басма сөз кызматы
Сүрөт www