Дастан Бекешев: Орхан Инанды чет элдик атайын кызматтар уурдап кеткен деген маалымат бар
Депутаттар ИИМден "Сапат" лицейлер тармагынын мурунку директору жоголгону боюнча түшүндүрмө талап кылышты
Бүгүн, 3-июнда парламенттин отурумунда депутаттар "Сапат" мектептер тармагынын мурунку директору Орхан Инанданын дайынсыз жоголушу боюнча маселе көтөрүштү.
Депутат Самат Исманов укук коргоо органдарынан түшүндүрмө талап кылды.
"Өлкөбүздүн билим берүү тармагына эбегейсиз салым кошкон адам жок болуп кетти" деди ал. - Укук коргоо органдарынан бул маселе боюнча түшүндүрмө берүүсүн суранам. Кантсе да ал биздин өлкөнүн жараны, биз анын укугун коргошубуз керек.
Аны кесиптеши Улукбек Ормонов колдоду.
- Ички иштер министрлиги парламентке Инанды издөө иштери кандай жүрүп жаткандыгы жөнүндө отчет бериши керек, - деди эл өкүлү. - Бул окуяга президент өзү реакция жасады.
Ошол эле учурда Дастан Бекешев коомдо маалымат тарагандыгын, ага ылайык Инанды чет элдик атайын кызматтар уурдап кетишкен деп белгиледи.
"Инандсты чет элдик атайын кызматтар уурдап кетишкен деген маалымат бар", - деди ал. - Мен буга ишенбейм жана Ички иштер министрлиги отчет бериши керек деп ойлойм.
Белгилей кетсек, "Сапат" мектеп тармагынын мурунку директору Орхан Инанды бир күн мурун Бишкекте жоголуп кеткен. Үчүнчү күнү борбор калаада аны колдогон митингдер өтүп жатат.
сүрөт www