Шайлообек Атазов депутаттыкка талапкерлер кыргыз тилин билиши керек деп эсептейт
БШК төрагасы ар кандай социалдык топтордун өкүлдөрү парламентке шайлануу укугуна ээ экендигин эске салды
Парламентарий Шайлообек Атазов Жогорку Кеңешке талапкерлер мамлекеттик тилди билиши керек деп эсептейт. Бул тууралуу ал Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитетинин бүгүнкү жыйынында билдирди.
Атазов БШКнын төрагасы Нуржан Шайлдабековага кайрылып, жаңы мыйзам долбооруна ылайык, депутаттыкка талапкерлерге коюлган талаптарды сурады.
"Айрым депутаттар Жогорку Кеңеште үч жолу отурушат, өз округдары үчүн эч нерсе жасашпайт жана бир дагы мыйзам долбоорун сунушташпайт, интригалар менен гана алектенип, чыр-чатактарды козутушат" деди ал. - Сунуш кылынган мыйзам долбоорунда мындай депутаттарды шайлоого киргизбөө маселеси каралдыбы? Ошондой эле, талапкерлерге мамлекеттик тилди милдеттүү түрдө билүү критерийи киргизилгенби?
Өз кезегинде Шайлдабекова кыргыз тилин билүү боюнча суроого жооп берип жатып, парламент өкүлчүлүктүү жана мыйзам чыгаруучу орган экендигин эске салды.
"Ушуга байланыштуу, ар кандай социалдык топтордун өкүлдөрү парламентке шайланууга укуктуу", - деп баса белгиледи Борбордук шайлоо комиссиясынын башчысы. - Ошондуктан, эч кандай чектөө коюлбаганы туура деп эсептейм.
Жыйында белгилей кетүүчү нерсе, "Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө" конституциялык мыйзамдын долбоору каралды.
Канышай Балкыбекова
сүрөт www