"Курулган үйлөр жаңы жашоонун башталышы болсун". Марипов баткендиктер үчүн салынып жаткан үйлөрдүн курулушу менен таанышты
Турак үйлөрдү пайдаланууга берүү ушул жылдын 31-августуна пландаштырылган
Кыргыз Республикасынын Министрлер Кабинетинин Төрагасы Улукбек Марипов Баткен облусуна жумушчу сапарынын алкагында кыргыз-тажик мамлекеттик чек арасындагы жаңжалдын кесепетинен каза болгондордун үй-бүлөсү үчүн курулуп жаткан 36 турак-жайдын курулушу менен таанышты.
Бул максатта Баткен шаарынын Чет-Булак кварталында 5 га жер тилкеси бөлүнгөн.
Белгиленгендей, мында 6 сотук жер тилкеси бар 4 бөлмөлүү үйлөр курулат. Алар тийиштүү техника жана эмерек менен камсыздалат, ошондой эле борбордук коммуникацияларды өткөрүү пландаштырылууда.
«Курулуп жаткан үйлөр жаңы жашоонун башаты болсун», - деди Улукбек Марипов.
Белгилесек, турак-жайлардын курулушу 80% бүткөрүлгөн, аларды үстүбүздөгү жылдын 31-августунда пайдаланууга берүү мерчемделген. Мындан тышкары аталган шаарчанын аймагында балдар бакчасын куруу пландаштырылууда.
Министрлер кабинетинин маалымат кызматы
Фото www