Бишкек жана Ош шаарларынын мэрлерин шайлоо 26 -августта өтөт
БШК мүчөлөрү добуш берүү процедурасы мыйзам бузууларсыз өтөт деп үмүттөнүшөт
Бишкек жана Ош шаарларынын мэрлерин шайлоо 26 -августта өтөт. Бул маалыматты Vesti.kg сайтына Борбордук шайлоо комиссиясынын мүчөсү Абдыжапар Бекматов тастыктады.
Анын айтымында, мындай чечимди кесиптештери бүгүн, 6 -августта кабыл алышты.
Белгилүү болгондой, шаардык кеңештин депутаттары мэрликке талапкерлерге купуя добуш беришет.
Фракциялар, кабинеттин төрагасы жана шаардык кеңештин фракцияларынын коалициясы өз талапкерлерин көрсөтө алышат.
Эске сала кетсек, азыр Бишкек шаарынын мэринин милдетин буга чейин Ош шаарынын мэри болуп иштеген Таалайбек Сарыбашов ээлейт.
Элдос Казыбеков
Сүрөт www
Бизди Телеграм каналыбыздан окуңуз