Бишкектеги СИЗО-1де кармалгандар нурланууга дуушар болушуудабы?

Көз карандысыз мониторингдин жыйынтыгы боюнча, Бишкектеги СИЗО-1деги медициналык кызмат, кармалган адамды изоляторго алып келген сайын, белгиленген нормадан ашкан рентген нурларын (эки эседен көп эмес бир жылда) жүргүзөрү аныкталды. Баш тартылган учурда кармалгандар тергөө абагына киргизилбейт.

Кармалгандардын ПТР анализи терс болгондугуна жана аларда оорунун белгилери жок экендигине карабастан, кармалган адамдарды бир нече тергөө амалдары, соттук отурумдар, тергөө администрациясы үчүн көп жолу тергөө абагынан алып чыгууга болот.Ар бир жолу кайталап рентгенге тартууну талап кылат, ал эми кармалгандар баш тартса, изоляторго алып барышпайт.

Эксперттердин айтымында, жыл сайын профилактикалык таасир этүү боюнча белгиленген стандарт ден соолук тармагындагы ыйгарым укуктуу мамлекеттик органдын чечими менен гана ашса болот.

ДСУнун илимий тобунун отчетуна ылайык, "эгерде көкүрөк оорусуна жана ысытууга клиникалык далилдер болбосо, көкүрөк рентгенографиясы бардык курактагы бейтаптарда көкүрөк оорусунун олуттуу белгилерин ачышы күмөн". Ошондой эле, көптөгөн эпидемиологиялык эксперттер COVID-19нын алгачкы стадияларында рентген нурун жасоонун мааниси жок экенин, көбүнчө рентген нурлары корановирустук инфекциянын алдын алуу үчүн эффективдүү чара эмес экенин баса белгилешет.

Жазаларды аткаруу мамлекеттик кызматы менен Саламаттыкты сактоо министрлиги расмий суроолорго жооп беришкен жок. "Эркиндик үнү" КФсы камакка алынгандарды тергөө абагына жеткирилген сайын рентгенге тартуунун натыйжасыз, кооптуу, эң негизгиси мыйзамсыз практикасын токтотууну талап кылат.

КФ "Эркиндик үнү"
Сүрөт www