"Биздин сыймыгыбыз!". Садыр Жапаров Мээрим Жуманазарованы жеңиши менен куттуктады
Президент курама команда кыргыз спортунун тарыхын жаратып жатканын белгиледи
Президент Садыр Жапаров спортчу Мээрим Жуманазарованы күрөш боюнча дүйнө чемпионатында жеңиши менен куттуктады. Мамлекет башчысынын куттуктоосу анын Instagram социалдык тармагындагы баракчасына жарыяланды.
"Мээрим биздин сыймыгыбыз! Дүйнө чемпионатындагы финалдык беттеште эң жогорку чеберчиликти көрсөттүң!
Мээрим Жуманазарованын алтын, Айпери Медет кызынын коло медаль алышы буга чейинки балбандарыбыздын жеңишине жетине албай турган кыргыз элинин кубанычын, сүйүнүчүн дагы арттырды.
Улуттук кураманын жетишкендиктери жалпы кыргыз элин, өлкөбүздү дүйнө жүзүнө даңазалап, силер кыргыз спортунун тарыхын жаратып жатасыздар! Спортчуларыбызды мыкты даярдыкта килемге алып чыккан машыктыруучу курамга дагы өзгөчө ыраазычылык!”, - деп жазган президент.
Эске салсак, Мээрим Жуманазарова эртең менен күрөш боюнча Дүйнө чемпиондугунда 68 килограммга чейинки салмакта алтын утуп алган. Кыргызстан беш медаль менен медалдык эсепте бешинчи сапта болгон.
Сүрөт www