Бишкек мэриясы: Мүмкүн, жергиликтүү көмүрдүн баасын шахтадан отун ташыган адамдар жасалма түрдө жогорулатып жибериши мүмкүн
1-2 күндүн ичинде шаардыктарга сатуу үчүн болжол менен 1600 тонна көмүр жеткирүү күтүлүүдө
Көмүрдүн болушун жана баасын көзөмөлдөө максатында Бишкек шаарынын мэриясынын жетекчилиги менен Экономика жана финансы министрлигинин алдындагы Монополияга каршы жөнгө салуу мамлекеттик агенттигинин отун базаларына биргелешкен иш сапары уюштурулду.
Отун базаларында казактардын "Шабыркул", "Кара-Жыра" маркасындагы көмүрү жана жалпы көлөмү 1000 тоннадан ашкан жергиликтүү "Кара-Кече" көмүрү бар. Казак көмүрүнүн баасы туруктуу жана тоннасы 4500 сомду түзөт, жергиликтүү көмүрдүн баасы тоннасы 4900-5000 сомду түзөт. Жергиликтүү көмүрдүн баасын шахтадан отун ташыган адамдар жасалма түрдө жогорулатып жатканы да жок эмес.
Жалпысынан отун базаларында эч кандай коркунуч жок.
Жергиликтүү көмүрдүн баасын жөнгө салуу үчүн мэрия Экономика жана финансы министрлигине борбордо катуу отундун баасын ооздуктоо боюнча зарыл чараларды көрүү боюнча кат жөнөттү.
Күйүүчү майдын баасын жасалма түрдө жогорулатуу маселеси тиешелүү укук коргоо органдары тарабынан каралып, аларга тапшырма берилген.
Ошондой эле, катуу отун менен үзгүлтүксүз камсыз кылуу жана көмүрдүн баасынын туруктуулугун камсыз кылуу үчүн отун базаларынын жетекчилери менен сүйлөшүүлөр жүргүзүлдү. Жеткирүү графигине ылайык, шаардыктарга сатуу үчүн 1-2 күндүн ичинде болжол менен 1600 тонна көмүр жеткирилиши күтүлүүдө.
Бишкек шаарынын мэриясы
Сүрөт www