Клара Сооронкулова: Момбеков "Ишеним" партиясында болгондо дипломуна эч ким көңүл бурмак эмес
ЖКнын депутаттыгына талапкер УКМКдан калган бардык талапкерлерди текшерүүгө чакырды
Жогорку Кеңештин депутаттыгына талапкер, Конституциялык палатанын экс-судьясы Клара Сооронкулова Жогорку Кеңештин депутаттыгына дагы бир талапкер Рыскелди Момбековдун жасалма диплому боюнча УКМКнын маалыматына комментарий берди.
Анын айтымында, эгер Момбеков «Ынтымак» же «Ишеним» партиясында болсо, укук коргоо кызматкерлери мурда жалган жогорку билими тууралуу дипломдун болушуна эч кандай реакция жасамак эмес.
«Эгер Момбеков «Ынтымак» же «Ишеним» партияларынын мүчөсү болгондо анын дипломун эч ким карабайт эле. Калганын текшеришсин», — деп жазды Сооронкулова Фейсбук баракчасына.
Эске салсак, буга чейин Борбордук шайлоо комиссиясынын отурумунда УКМКнын тергөө башкармалыгынын башчысы Бакыт Жаналиев сөз сүйлөп, депутаттыкка талапкер Ж.К.Рыскелди Момбековдун Жусуп Баласагын атындагы КУУнун жасалма диплому болгон.
Анын айтымында, эл өкүлү жогоруда аталган окуу жайда окуган эмес — анын номери боюнча диплом жаран Михаил Стародубцевге берилген.
Элдос Казыбеков
Сүрөт www