Равшан Жээнбековго теледебаттарга катышууга тыюу салынды

Сот депутаттыкка талапкер Равшан Жеенбековду теледебаттарга катыштырбай койду. Бул тууралуу адвокат Замир Жоошев соцтармакка билдирди.

Адвокаттын айтымында, ал 10-ноябрда судья Азирет Медеровго кайрылып, СИЗО-1дин администрациясына Женбековду коштоп  саясатчыны «Бешинчи каналдын» кеңсесине алып келүү өтүнүчү менен жекече сүйлөөнү жаздыруу (16-ноябрь) жана талапкердин дебатка катышуусу (19-ноябрь) үчүн кайрылган.

Жоошев “Бешинчи каналдын” кеңсеси СИЗО-1ден алыс эмес жерде, тагыраагы жолдун аркы өйүзүндө – Ибраимов/Кулатов көчөлөрүнүн кесилишинде жайгашканын белгилейт.

«16-ноябрда судья СИЗО-1дин администрациясынан айыпталуучуну телеканалдын кеңсесине алып келүүнү талап кылууга укугу жок экенин айтып, өтүнүчтү канааттандыруудан баш тартты», - деп жазат Жоошев. - Ал эми «Кылмыш жасаган деген шек менен жана айыптоо менен кармалган адамдарды камакта кармоонун тартиби жана шарттары жөнүндө» Кыргыз Республикасынын Мыйзамынын 16-беренесине ылайык, соттун жазуу жүзүндөгү арызы боюнча камак жайларынын администрациясы ( судья), айыпкерди белгиленген жерге жеткирүү үчүн коштоо менен өткөрүп берүүнү камсыз кылууга милдеттүү. Ал эми биздин учурда, көздөгөн жер так Бешинчи каналдын кеңсеси ».

Адвокат ошол эле күнү, башкача айтканда, 16-ноябрда кайрадан судьяга кайрылганын айтууда. Бул жолу СИЗОнун администрациясына уруксат берүү өтүнүчү менен.

«Анткени судья талапты башкара албайм, бирок уруксат бере алам деди», - деп жазат Жоошев. -Женбековдун БШКга судьянын жазуу жүзүндөгү уруксатынын негизинде алынып келингени, анын документтерин тапшырып, талапкер катары катталганы буга далил. Равшан Жээнбеков өзгөчө коркунучтуу кылмышкер эмес. Бул иш боюнча айып саясий өңүттө. Мындай жагдайларды эске алуу менен, аны Бешинчи каналдын кеңсесине жеткирүүгө уруксат берүү керек болчу ».

Жоошев белгилегендей, жогорудагы өтүнүчтү канааттандыруу үчүн Бишкек шаарынын Биринчи Май райондук сотуна сунуштама жөнөтүү боюнча буга чейин БШКнын төрагасы Нуржан Шылдабековага кат менен кайрылган.

«Нуржан Шайлдабекова сотко кандай иш кыларын айта албасын ММКлар аркылуу билдирди», — деп жазат жактоочу. "Бирок биз буйрук сураган жокпуз - биз сунуш сурадык."

сүрөт www