Токтогулкада иштебей калган агрегаттын айынан электр энергиясын үнөмдөп жатышабы? "Электр станцияларынын" жообу
Эксперт Азамат Курамаев маселе кытай-кыргыз чек арасындагы керектүү техниканын кечигүүдө деп эсептейт
Токтогул ГЭСинде 4-агрегат иштен чыкты. Бул тууралуу Фейсбукта Айгүл Насирдинова аттуу колдонуучу жазды.
Ал блоктун иштен чыгышына байланыштуу бийлик кыргызстандыктардын үйүндө электр энергиясын үнөмдөп, өчүрүүгө аргасыз деп эсептейт.
Ал арада Vesti.kg «Электр станциялары» ишканасынын басма сөз кызматы жогорудагы маалыматты төгүндөп, агрегатты реконструкциялоо иштери жүрүп жатканын билдирди.
«Учурда агрегат реконструкцияланууда, эч нерсе иштен чыккан жок», - деп түшүндүрдү басма сөз кызматы. -Энергияны үнөмдөөгө келсек, буга Токтогул суу сактагычында суунун аздыгы себеп болууда.
Өз кезегинде эксперт Азамат Курамаев дагы Vesti.kg сайты менен болгон маегинде Токтогул ГЭСинин 4-агрегаты иштен чыкпаганын баса белгиледи. Анын айтымында, кытай-кыргыз чек арасында жабдыктар кечигип жаткандыктан күзгү-кышкы жылытуу мезгилине агрегат ишке киргизилген эмес.
-Кытай-кыргыз чек арасында керектүү техникалар кечигип калгандыктан, агрегат күз-кыш жылытуу мезгилине ишке киргизилген жок, - дейт эксперт. - Республикада пландалган өчүрүүлөр жок
сүрөт www