Кыргызстандыктар Жалал-Абаддын тургундары Садыр Жапаровдун кортежинин алдына туулар менен тизилгенине нааразы (видео)

Бир күн мурун президент Садыр Жапаров иш сапары менен Жалал-Абад облусуна барды.

Фейсбук социалдык тармагында мамлекет башчысы, УКМКнын төрагасы Камчыбек Ташиевдин кортежи атайын сигналдар менен өтүп бара жаткан видео тарады. Жергиликтүү тургундар желекти желбиретип жол боюнда турушат.

Бул азем көптөгөн интернет колдонуучулардын нааразычылыгын жаратты. Колдонуучулар жарандарды ушундай жол менен өлкөнүн жогорку бийлик өкүлдөрү менен жолугушууга мажбурлаган жетекчилерди кызматтан алууну талап кылышкан.



«Мен Бердымухамедовду эстедим», «Жакында Түркмөнстанга айланабыз», «Түркмөнстандай эмес, Кудай сактасын Түндүк Кореяга», «Түндүк Корея башталды» деп жазат кыргыздар.

Ал арада президенттин басма сөз катчысы Эрбол Султанбаев Vesti.kg сайтына Садыр Жапаров мындай демилгелерге каршы экенин билдирди.

«Жалал-Абад облусунда болгон окуя боюнча бардык жагдайлар, анын ичинде жергиликтүү тургундардын мажбурлоосу болгон-болбогону боюнча кызматтык иликтөө жүрүп жатат», - деди ал.

Сүрөт www