Экономист: КР жаңы Салык кодексинин редакциясы купуялуу
Рустам Нурматов бизнес жаңы жылга оюндун эрежесин билбей кирип жатканын баса белгиледи
Парламенттин акыркы жыйынында VI чакырылыштагы ЖК депутаттары 2022-жылы күчүнө кире турган жаңы Салык кодексинин долбоорун үчүнчү окууда кабыл алышты.
Ал арада жаңы мыйзамдын формулировкасынын купуялуулугуна эксперттер да, ишкерлер да нааразы. Эксперт-экономист Рустам Нурматовдун айтымында, бизнес жаңы жылга толук белгисиздик менен кирип жатат.
- Мунун баары эмне үчүн экенин түшүнбөй турам, - Нурматов ачууланат. - Жаңы Салык кодексинин редакциясы купуялуу. Жаңы жылдан кийин чакан ишканаларга кандай салык салынат деген суроолор көп. Мен патент алышым керекпи же жокпу? Бардык суроолорго бир гана жооп бар - 2022-жылдын январында келиңиз, биз баарын түшүндүрөбүз. Мен ишкерлерден жана эксперттерден сурайм – жаңы редакция менен эч ким тааныш эмес. Бизнес жаңы жылга толук белгисиздик менен киришет.
Эске сала кетсек, буга чейин бизнес чөйрөсү көйгөйлөрүн айтып, сунуштарын беришкен. Бирок алардын көбү эске алынган эмес. Өз кезегинде Экономика жана соода министрлиги мыйзамдын жаңы редакциясы салык тутумун жеңилдетүүгө багытталганын билдирди.
Ислам Жолдошов
сүрөт www