Исмаил Исаков: Бактыбек Калмаматовду Садыр Жапаровдун көрсөтмөсү менен кармашкан
ЖКнын экс-депутатынын жактоочусу кардарына бир нече саат тамак бербеген тергөөчүлөргө нааразы болду
Экс-депутат, мурдагы коргоо министри Исмаил Исаков партиялашы, экс-депутат Бактыбек Калмаматовго козголгон кылмыш иши боюнча Vesti.kg сайтына комментарий берди.
Анын айтымында, Калмаматов 48 сааттан ашык УКМКнын СИЗОсунда мыйзамсыз кармалып жатат, ал эми соттун чечими чыга элек. Исаков саясатчы өлкө жетекчилигинин – президент Садыр Жапаровдун жана Улуттук коопсуздук боюнча мамлекеттик комитеттин төрагасы Камчыбек Ташиевдин буйругу менен кармалганын айтууда.
- Ушинтип оозубузду жапкысы келип жатканы көрүнүп турат, - деп эсептейт Исаков. -Адамды жерге салып, бийликти сындаса, аларды да ошол эле сценарий күтүп турганын башкаларга көрсөткүсү келет. Албетте, Калмаматов Садыр Жапаров менен Камчыбек Ташиевдин түздөн-түз көрсөтмөсү менен кармалган – бул мыйзам ченемдерин одоно бузуу.
Мындан тышкары, Исаков Калмаматовдун жактоочусу Айым Камчыбекова мурдагы эл өкүлүнө он сааттан ашык тамак берилбегендиктен, тергөөчүлөрдү жоопко тартуу өтүнүчү менен кайрылганын кошумчалады.
«Адвокат Кыйноолорду алдын алуу боюнча улуттук борборго кат жолдогон», - деп түшүндүрдү саясатчы. - Он сааттан ашык тамак берилбей, 18 сааттан ашык сурак берип жаткандыктан, тергөөчүлөрдү жоопко тартууну өтүндү. Бул одоно мыйзам бузуу болуп саналат.
Учурда Исаков жана анын жактоочусу Биринчи Май райондук сотунда, бирок Калмаматовдун иши боюнча соттук отурум бүгүн болору белгисиз.
Эске салсак, 21-декабрдан 22-декабрга караган түнү Жогорку Кеңештин экс-депутаты Бактыбек Калмаматов кичи ажылыкка учуп чыга албай калган. Аны УКМКга алып барышып, андан кийин суракка ала башташты.
Кийинчерээк УКМК Калмаматов улут аралык кастыкты козуткандыгы үчүн кармалып, 48 саатка УКМКнын убактылуу кармоочу жайына камалганын билдирген.
Белгилей кетсек, 2020-жылдагы октябрь окуясынан кийин Бактыбек Калмаматов бир нече жолу Конституциянын жаңы долбооруна каршы чыгып, президент Садыр Жапаровдун бийликти узурпациялоо аракетин көрсөткөн.
«Ал Негизги мыйзамга Жээнбековдо болгон хандык башкарууну киргизгиси келет. Буга чейинки мамлекет башчылары бийликти ар кандай жолдор менен узурпациялап алышкан. Бизде кагаз жүзүндө парламенттик, чындыгында президенттик башкаруу болгон. Акаевдин, Бакиевдин, Атамбаевдин, Жээнбековдун тушунда бизде президенттик башкаруу болгон. Эл мындай системада жашабаса, кантип парламенттик башкарууну жаман деп атасын?» – деди экс-депутат.
Элдос Казыбеков
Сүрөт www