Эркиндик бульварындагы ок атуу жана массалык мушташ. Милиция шектүүлөрдү кармады (фото)

Бишкек шаардык криминалдык милиция кызматынын ыкчам кызматкерлери ок атуучу курал колдонуу менен бейбаштыкка шектелгендерди кармашты.

Эскерте кетсек, 22-декабрда саат 20:58дер чамасында Бишкектин Биринчи Май райондук ички иштер башкармалыгына Эркиндик бульварында мушташып, атышуу болгондугу тууралуу маалымат түшкөн.

Окуя болгон жерге ыкчам-тергөө тобу дароо жөнөп кетти. Алдын ала маалыматтарга караганда, белгисиз адамдардын тобунун ортосунда ок атуучу курал колдонуу менен жаңжал чыккан. Окуя болгон жерди кароо учурунда газ-травматикалык тапанчадан болжол менен 3 даана гильза, ошондой эле аңчылык мылтыгынан болжолдуу 3 даана башка гильзалар табылган.

Бул факты Бишкек шаарынын ШИИБсына катталып, КР Кылмыш-жаза кодексинин 280-беренеси (Бейбаштык) боюнча кылмыш иши козголгон.

Жүргүзүлгөн ыкчам-издөө иш-чараларынын жүрүшүндө Бишкек ШИИБнин МККнын ыкчам кызматкерлери тарабынан шаардын аймагынан чыр-чатакка жана атышууга катышкан делген жарандар: М.А. 1983-жылы туулган А.Г. 1988-жылы туулган А.Т. 1987-жылы туулган А.Т. 1993-жылы туулган Д.Н. 1991-жылы туулган  1988-жылы туулган А.Т.кармалган .

Ошондой эле, «Сайга-12» маркасындагы жылмакай сайлуу мылтык алынып, уруксаты бар, тиешелүү экспертизалар дайындалды. Кармалган адамдар тергөө кызматына жеткирилип, КР Кылмыш-процессуалдык кодексинин 96-беренесине ылайык Бишкек ШИИБдин ИИМдин убактылуу кармоочу жайына киргизилди.

Учурда кылмыш иши боюнча калган айыпталуучулардын өздүгүн тактоо боюнча ыкчам-издөө иш-чаралары улантылууда.

фото www