Биринчи Май райондук сотунда Кой-Таш окуясы боюнча кезектеги соттук отурум өтөт
Ал эми Алмазбек Атамбаевди жыйынга алып келери азырынча белгисиз
Бүгүн Биринчи Май райондук сотунда Кой-Таш окуясы боюнча соттук отурум болот. Бул тууралуу Vesti.kg сайтына экс-президент Алмазбек Атамбаевдин өкүлү Кундуз Жолдубаева билдирди.
Анын айтымында, Алмазбек Атамбаевдин отурумга катышаар-катышпасы азырынча белгисиз - бул анын саламаттыгына жараша болот. Президенттик аппараттын экс-жетекчиси Фарид Ниязов сотко келери белгилүү болду.
Эскерте кетсек, Алмазбек Атамбаев менен Фарид Ниязовго карата бир катар кылмыш иштери козголгон, анын ичинде 2019-жылдын 7-8-августунда Кой-Ташта массалык баш аламандык уюштуруу жана 2020-жылдын октябрь окуясында массалык башаламандык уюштуруу.
Элдос Казыбеков
Сүрөт www
Бизди Телеграм каналыбыздан окуңуз