Баткен облусунда болгон окуялардан улам 11 миңден ашуун адам эвакуацияланды
Учурда аймакта абал туруктуу
Өзгөчө кырдаалдар министрлигинин Кризистик кырдаалдарда башкаруу борборунун маалыматы боюнча, эвакуациялангандардын жалпы саны 11052 адамды түзөт.
Анын ичинен 10 миң 410 адам туугандарынын үйүнө, 642 адам 7 убактылуу жайгаштыруу борборуна көчүрүлгөн.
Учурда Баткен облусунда абал туруктуу. Убактылуу жер которгон жарандар тамак-аш жана башка керектүү нерселер менен камсыздалат. КР ӨКМ тарабынан убактылуу жашоо үчүн зарыл болгон 670 комплект (төшөк, жаздык, матрац, шейшеп) берилди.
ӨКМ басма сөз кызматы
сүрөт www
Бизди Телеграм каналыбыздан окуңуз