ЖКнын депутаты: Ом менен Ньютондун мыйзамдарын билген, бирок ошол эле учурда көчөгө таштанды ыргыткан, жаштайынан коррупцияга көнүп калган адамдарды тарбиялайбыз

Жогорку Кеңештин депутаты Нуржигит Кадырбеков мектептерде адеп-ахлак сабагын киргизүүнү сунуштады.

Vesti.kg сайтына берген комментарийинде парламентарий «адеп-ахлактык тарбия» диний өңүттөрдү билдирбейт деп баса белгиледи.

«Жоопкерчиликтүү жарандарды жаштайынан  тарбиялоо керек», - деп эсептейт эл өкүлү. - Коррупция менен күрөш билим берүү аркылуу болушу керек. Ошондуктан мектептерде адеп-ахлактык тарбия сабагын киргизүүнү сунуштайм. Америка Кошмо Штаттарында жана Европа өлкөлөрүндө балдарды мамлекетке кантип пайдалуу болууга үйрөткөн мектепте сабактар ​​бар. Ом жана Ньютон мыйзамдарын билген, бирок ошол эле учурда көчөгө таштанды ыргыткан, рэкетчилик менен алектенген, жаштайынан коррупцияга көнүп калган адамдарды тарбиялайбыз. “Адеп-ахлактык тарбия” дегендин эч кандай диний мааниси жок.

Жыйынтыгында Кадырбеков Кыргызстан коррупцияны кабылдоо индекси боюнча дүйнөлүк рейтингде байкаларлык төмөндөп кеткенин белгиледи.

Канышай Балкыбекова
сүрөт www