ЖКнын депутаты: Башка улуттун өкүлдөрү жашаган айылдарда кыргыз тилин окутууну күчөтүү керек
Лейла Лурова дунгандар көп жашаган Александровканы мисалга алды
Депутат Лейла Лурова Жогорку Кеңештин бүгүнкү пленардык жыйынында калкынын басымдуу бөлүгүн башка улуттун өкүлдөрү түзгөн айылдарда кыргыз тилин үйрөнүүнү күчөтүүнү сунуштады.
Парламентарий белгилегендей, Чүй районунун Александровка айылында калктын 99 пайызга жакынын дунгандар түзөт.
«Бул айылда дунган улутундагы адамдардын дээрлик 99 пайызы компакттуу жашашат», - деп баса белгиледи Лурова. - Ал жерде кыргыз тилин окутууну күчөтүү керек. Негизинен башка улуттун өкүлдөрү жашаган айылдарда мамлекеттик тилди үйрөнүүнү күчөтүү зарыл.
Мындан тышкары эл депутаты мектептерде жана мектепке чейинки мекемелерде коомдук тамактануу маселесин козгоду.
«Мисалы, Александровка айылындагы мектепте балдар күнүнө 7 сомдон тамак-аш алышат», - дейт Лурова. Бул мектептердин ашпозчулары балдарга бир нерсе даярдаш үчүн үйдөн азык-түлүк алып келишет. Мектепте 800 адам билим алып, эки сменде окушат. Кантип балага 7 сомго кечки тамак жасаса болот, мен такыр түшүнбөйм. Бул боюнча бир нерсе кылуу керек. Мындай нерселерди карабай коюуга болбойт.
Канышай Балкыбекова
сүрөт www