Кумтөр Балыкчы шаарындагы №22 кесиптик лицейдин цехине заманбап жабдууларды сатып алды

«Кумтөр Голд Компани» өлкөнүн алдыңкы адистештирилген окуу жайлары менен кызматташуунун атайын программаларын ишке ашырат. Кесипкөйлүккө карай жол жогорку сапаттагы прикладдык окуудан башталарын, окуучулар эмгекке керектүү көндүмдөрдү өздөштүрүү менен башталарын түшүнүп, Кумтөр Балыкчы шаарындагы №22 кесиптик лицейинин цехине заманбап станокторду сатып алды. Керектүү жабдууларга ишкана тарабынан 758 миң сом бөлүнгөн.

Балыкчы шаарындагы №22 кесиптик лицейдин директору Дүйшөнбек Жангазиев Кумтөрдүн жетекчилигине ыраазычылык билдирди: «Биз «Кумтөр Голд Компаниге» унаа слесарларын даярдаган цехибизге жабдууларды жана окуу стенддерин сатып алууга жардам берүү өтүнүчү менен кайрылдык. Компания Россияда жасалган заманбап станокторго заказ берип, орнотуу менен маселени мүмкүн болушунча тез чечти. Чоң рахмат! Азыр жумушчулар абдан керек, алар бардык жерде талап кылынат. Жумушчу адистиктерге абитуриенттердин конкурсу жыл сайын есууде. Биздин сертификатыбыз КМШ боюнча цитаталанган.

Балыкчы шаарындагы №22 кесиптик лицейи автослесарь, шыбакчы-сырдоочу, газ менен ширетүүчү, электрик, ашпозчу сыяктуу жумушчу адистиктер боюнча квалификациялуу кадрларды даярдайт. Азыр лицейде сегиз адистик боюнча 312 окуучу билим алат.

«Биздин шаарыбыздын бардык жеринде вулканизация пункттары бар, ал жерде жаштар иштейт, бирок алардын мындай аппараттарды колдонуу боюнча атайын билими жок. Алар коопсуздук боюнча үйрөтүлгөн эмес. Болгону алар үчүн колдон келишинче иштешет», - дейт лицейдин өндүрүштүк окуу мастери Бахтияр Нарынбаев.

Мугалимдер Кумтөр Балыкчыдагы окуу базасын жаңырткандан кийин шаардык автосервистин ээлери лицейде өз кызматкерлеринин квалификациясын жогорулатууну каалашат, бул көрсөтүлүүчү кызматтардын сапатын жакшыртат деген үмүттө.

КГКнын сүрөтү