Эртең Бишкектин айрым көчөлөрү Мамлекеттик туу күнүнө карата убактылуу жабылат
Бул датага арналган иш-чара Ала-Тоо аянтында өтөт
Эртең, 3-мартта борбордук Ала-Тоо аянтында Кыргыз Республикасынын Мамлекеттик туусунун кабыл алынгандыгынын 30 жылдыгына арналган иш-чара өтөт.
Буга байланыштуу саат 8:00дөн 12:00гө чейин төмөнкү тилкелерде унаа кыймылына убактылуу чектөө киргизилет:
• Чүй проспектиси Панфилов көчөсүнөн Эркиндик бульварына чейин;
• Раззаков М.Фрунзе көчөсүнөн Чүй проспектисине чейин;
• Орозбеков М.Фрунзе көчөсүнөн Чүй проспектисине чейин;
• Абдымомунова к. Панфилов Эркиндик бульварына чейин.
Бишкек шаардык мэриясы келтирилген ыңгайсыздыктар үчүн кечирим сурайт жана айдоочулардан маршрутун алдын ала пландап алууну суранат.
Бишкек шаарынын мэриясы
Сүрөт www
Бизди Телеграм каналыбыздан окуңуз