12-марттан баштап медициналык мекемелерди жана коомдук транспортторду кошпогондо, милдеттүү түрдө беткап кийүү токтотулду
Бирок министрлер кабинети жарандарга эл көп чогулган жерлерде маска режимин сактоону сунуштайт
Министрлер Кабинетинин Төрагасынын орун басары Эдил Байсалов коронавирус инфекциясына каршы күрөшүү боюнча штабдын жыйынын өткөрүп, анда ЖОЖдордо, колледждерде жана башка билим берүү уюмдарында, соода борборлорунда студенттер менен профессордук-окутуучулар курамына милдеттүү түрдө беткап кийүүнү жокко чыгаруу чечими кабыл алынды. ресторандарда, кафелерде, коомдук тамактануу жайларында, базарларда, музейлерде, спорт клубдарында, китепканаларда.
Саламаттыкты сактоо министрлигине кызыкдар мамлекеттик органдар менен биргеликте 12-марттан баштап колдонуудагы алгоритмдерге жана инструкцияларга керектүү өзгөртүүлөрдү киргизүү тапшырылды.
Мындан тышкары, расмий өкүлдөр саламаттыкты сактоо уюмдарында (мамлекеттик, муниципалдык жана жеке менчик), ошондой эле коомдук жүргүнчүлөрдү ташуучу транспортто медициналык беткаптарды милдеттүү түрдө кийүүнү улантуунун маанилүүлүгүн белгилешти.
Ошондой эле, COVID-19 жана башка жугуштуу оорулардын алдын алуу үчүн жарандарга ыктыярдуу түрдө эл көп чогулган жерлерде, ири соода борборлорунда, базарларда, массалык иш-чаралар учурунда беткап кийүү режимин сактоо сунушталат.
Президенттин облустардагы ыйгарым укуктуу өкүлдөрүнө Саламаттыкты сактоо министрлиги менен бирдикте калкты коронавирустук инфекцияга каршы эмдөө менен камтууну кеңейтүү боюнча активдүү иш-чараларды улантуу тапшырылды.
Министрлер кабинетинин басма сөз кызматы
Сүрөт www