Темирлан Султанбеков: ЖАК Атамбаевди инфаркт кылууга аракет кылды! Аларды жоопко тартуу керек

КСДПнын мүчөсү, саясатчы Темирлан Султанбеков экс-президент Алмазбек Атамбаевдин кечээ күнү Бишкектин Биринчи Май сотунун имаратынын жанына футболка менен чыкканына комментарий берди.

Анын айтымында, Алмазбек Атамбаевди жүрөк оорусуна алып келүү аракети үчүн Жаза аткаруу кызматынын жетекчилиги жооп бериши керек.

«Мен Алмазбек Шаршеновичтин жакындары менен байланыштым, алар катуу стресстин жана сууктан ден соолугу кескин начарлап, карда жылаңаяк сүйрөлүп, жада калса кийингенге да уруксат берилбей калганын айтышты. Азыр ЖАК Атамбаевди күч менен алып келген жок, бирок ал процесске катышууну каалаганын өзү билдирди деп расмий жооп берди. ЖАКтын мындай жалган жообу, албетте, коомчулуктун кыжырдануусун гана жаратышы мүмкүн», — деп жазды Султанбеков Фейсбук баракчасына.

Кошумчалай кетсек, ал ИИМдин төрага орун басары Рахатбек Жапаров менен министрлер кабинетинин башчысы Акылбек Жапаров бир тууган экенин айтууда.

«Тез арада ЖАК жетекчилигин жоопкерчиликке тартуу зарыл. Маалым болгондой, аталган кызматтын төрагасынын орун басары болуп 2020-жылдын 16-октябрында бул кызматка дайындалган президенттик аппараттын жетекчиси, министрлер кабинетинин төрагасы Жапаров Акылбек Үсөнбекович Жапаровдун бир тууган агасы дайындалган.  Сооронбай Жээнбеков кызматтан кеткенине алты күн болгондо. Албетте, Алмазбек Атамбаевди инфарктка алып келүү жана ошону менен Алмазбек Атамбаевди саясий оппоненттер тарабынан өлтүрүү аракети бар», - деп эсептейт Султанбеков.

Эске салсак, бир күн мурун Бишкектин Биринчи Май райондук сотунда 2019-жылдагы Кой-Таш окуясы боюнча соттук отурум болгон. Экс-президенттин расмий өкүлү Кундуз Жолдубаеванын айтымында, алар Алмазбек Атамбаевдин ден соолугунун абалы начар деген доктур корутундусуна карабай аны күч менен сот имаратына алып келүүнү чечишкен.

Маалым болгондой, Атамбаевди бир футболка менен алып келишкен. Натыйжада ал ооруп, сотто тез жардам чакыруу чечимин чыгарган.

Элдос Казыбеков
Сүрөт www