Исхак Масалиев Мамлекеттик салык кызматынын төрагасынын 26 жаштагы орун басары тууралуу: Ал сулуу көздөрү үчүн дайындалган

Мамлекеттик салык кызматынын мурдагы төрагасы, Жогорку Кеңештин депутаты Исхак Масалиев 26 жаштагы Исламбек Кыдыргычевдин Мамлекеттик салык кызматынын жетекчисинин орун басарлыгына дайындалышы боюнча Vesti.kg сайтына комментарий берди.

Анын айтымында, Кыдыргычев аталган кызматты «сулуу көздөрү үчүн» алган.

- Кеп жашында эмес, тиешелүү иш тажрыйбасынын жоктугунда, - деп түшүндүрдү Масалиев. - Мени тынчсыздандырат. Мен муну терең кадрдык ката деп айта алам. Ал сулуу көздөр үчүн дайындалганына жүз пайыз ишенем.

Эске салсак, ушул жылдын 26-мартында Мамлекеттик салык кызматынын төрагасынын орун басарлыгына 26 жаштагы Исамбек Кыдыргычев дайындалганы белгилүү болгон. Мындай жаштардын мындай жогорку кызматка дайындалышы болуп көрбөгөндөй көрүнүш.

Мындан тышкары Темиров Live түз эфиринин журналисттери министрлер кабинетинин башчысы Акылбек Жапаров менен Исламбек Кыдыргычевдин ортосундагы байланышты ачыкка чыгарышты. Журналисттердин айтымында, жаш чиновниктин атасы Акылбек Жапаровдун эжеси Акылайдын классташы.

Кошумчалай кетсек, ачык булактарда Кыдыргычев КУУда «Салык салуу» предмети боюнча окуп жүргөндө экзамендерди тапшырбай калганы көрсөтүлгөн.

Ал арада журналисттердин көңүлүн Акылбек Жапаров экономика жана каржы министри болуп дайындалгандан кийин Исламбек Кыдыргычевдин карьерасындагы кескин секирикке бурушту. Бул учурда Кыдыргычев президенттик аппараттын экономика жана каржы бөлүмүнүн эксперти болуп калды.

Элдос Казыбеков
Сүрөт www