ТИМ КРда бизнес жүргүзүүгө кызыкдар германиялык компаниялардын өкүлдөрү менен жолугушту
Мамлекеттер ортосундагы ишкердик кызматташтыкты арттыруу боюнча чараларды талкуулады жана макулдашты
Бир күн мурун тышкы иштер министри Руслан Казакбаев Берлинде Кыргызстанда бизнес жүргүзүүгө кызыкдар болгон немис компанияларынын өкүлдөрү менен жолугушуу өткөрдү.
Бул фирмалар айыл чарба, туризм, санариптик технологиялар, медициналык жабдуулар жана логистика тармактарында иш алып барышат.
Министр жолугушуунун катышуучуларына Кыргызстандагы инвестициялык климатты жакшыртуу боюнча Президент Садыр Жапаров тарабынан жүргүзүлүп жаткан саясат, Улуттук инвестициялык агенттиктин түзүлүшү, ошондой эле өлкөдө бизнес жүргүзүүнүн артыкчылыктары жана чет элдик инвесторлор үчүн мыйзамда каралган кепилдиктер тууралуу маалымат берди. .
Мамлекеттер ортосунда бизнес өнөктөштүктү өнүктүрүү боюнча чаралар талкууланып, макулдашылды. Ишкерлердин кароосуна Кыргыз Республикасындагы инфраструктура, энергетика, айыл чарба, туризм чөйрөсүндөгү ири инвестициялык долбоорлор боюнча маалымат сунушталды. Жолугушууда талкууланган маселелерди олуттуу талкуулоо максатында Кыргызстанга келүү үчүн германиялык компаниялардын өкүлдөрүнөн жумушчу топ түзүү сунушталды.
Министрлер Кабинетинин Аппарат жетекчиси Акылбек Жапаровдун төрагалыгы астында кыргыз-герман ишкерлер кеңешин түзүү боюнча иш оң жагына белгиленди. Руслан Казакбаев немис фирмаларынын өкүлдөрүн Бишкекте өтө турган кыргыз-герман бизнес форумуна катышууга чакырды.
ТИМ басма сөз кызматы
Сүрөт www