Акылбек Жапаров Катардын элчисин кабыл алды
Кыргызстан Катарга көбүрөөк эт азыктарын, кургатылган мөмө-жемиштерди, жашылчаларды, жаңгактарды, бал жана башка бир катар азыктарды экспорттоого кызыкдар
Министрлер Кабинетинин Төрагасы Акылбек Жапаров Катардын Кыргызстандагы элчиси Абдулла бин Ахмад Абдаллах Салех Аль-Сулайтини кабыл алды.
Жапаров кыргыз-катар кызматташтыгынын прогрессивдүү мүнөзүн жана эки өлкөнүн ортосундагы саясий, соода-экономикалык жана маданий-гуманитардык чөйрөлөрдө кызматташууну мындан ары кеңейтүү үчүн зарыл болгон келишимдик-укуктук базанын бар экендигин белгиледи.
«Биздин мамлекеттердин ортосунда соода-экономикалык кызматташтыкты активдештирүү үчүн жакшы мүмкүнчүлүктөр бар. Биздин өлкө бул жаатта болгон потенциалды, анын ичинде соода-экономикалык кызматташуу боюнча эки тараптуу өкмөттөр аралык комиссиянын ишин активдештирүү аркылуу кеңейтүүгө кызыкдар. Экологиялык таза продукцияны өндүрүүчү катары биз Катарга эт азыктарын, кургатылган мөмө-жемиштерди, жашылчаларды, жаңгактарды, бал жана башка бир катар продукцияларды экспорттоону көбөйтүүгө кызыкдарбыз», - деди министрлер кабинетинин башчысы.
Жолугушууда өзгөчө көңүл 2022-жылы жогорку жана жогорку деңгээлдеги өз ара сапарларды уюштурууга, ошондой эле саламаттыкты сактоо тармагында биргелешкен долбоорлорду ишке ашырууга, атап айтканда, Кыргыз Республикасындагы медициналык мекемелерди курууга бурулду.
Министрлер кабинетинин басма сөз кызматы
Сүрөт www