Аида Исмаилова Кореянын Түндүк экономикалык кызматташтык боюнча комитетинин төрагасы Пак Чунг Су менен жолугушту
Жолугушуунун жүрүшүндө жакынкы жылдарга кыргыз-түштүк Корея кызматташтыгынын келечектүү багыттары талкууланды
Кыргызстандын Түштүк Кореядагы Атайын жана Ыйгарым укуктуу элчиси Аида Исмаилова Кореянын Түндүк экономикалык кызматташтык комитетинин төрагасы Пак Чунг Су менен жолугушту. Бул тууралуу Исмаилова социалдык тармактардагы жеке баракчасына жазды.
Жолугушуунун жүрүшүндө жакынкы жылдарга кыргыз-түштүк Корея кызматташтыгынын келечектүү багыттары талкууланды. Биз адам ресурстарынын потенциалын, инфраструктураны жогорулатуу, инвестиция тартуу, ошондой эле айыл чарба, транспорт жана логистика, энергетика, экология, билим берүү жана санариптештирүү боюнча өнөктөштүктү өнүктүрүү боюнча пикир алмаштык.
Мындан тышкары, COVID-19 менен күрөшүүнүн алкагында саламаттыкты сактоо тармагындагы кызматташууга өзгөчө көңүл бурулду.
Комитеттин төрагасы биргелешкен долбоорлорду ишке ашырууда мультипликативдик мамиленин маанилүүлүгүн белгиледи. Ал ошондой эле өлкөлөр ортосундагы дипломатиялык мамилелердин түзүлгөнүнө 30 жыл толгон быйылкы жыл эки тараптуу кызматташтыкты өнүктүрүүгө кошумча дем берерине ишенимин билдирди.
Өз кезегинде Аида Исмаилова Корея Республикасы Кыргызстан үчүн Азия-Тынч океан чөлкөмүндөгү эң маанилүү өнөктөштөрдүн бири экенине ишендирди, муну Түштүк Кореянын Өкмөтү тарабынан Кыргыз Республикасын өнөктөш мамлекеттердин тизмесине киргизүү тастыкталат. |
Ал ошондой эле биргелешкен иш-чараларды өткөрүүнүн, өз ара сапарлардын жыштыгын жогорулатуунун жана эки тараптуу мамилелердин бардык деңгээлдеринде тыгыз өз ара аракеттенүүнүн маанилүүлүгүн белгиледи.
Сүрөт www