КР Башкы прокуратурасы МАИчилер менен дарыгерлер мас абалында айдоочуларды жашырып жатканын аныктады
Чүй облусунда жол кырсыгына себепкер болгондордун айрымдарынын алкоголдук ичимдиктерге мас абалында болгонун милиция кызматкерлери документтештирбей койгон
Башкы прокуратура тарабынан Чүй облусунун Жол кайгуул кызматынын кызматкерлери тарабынан укук бузуулар жөнүндө мыйзамдардын талаптагыдай аткарылышы, ошондой эле «Укук бузуулардын бирдиктүү реестри» автоматташтырылган маалыматтык тутумуна маалыматтарды киргизүүнүн толуктугу жана аныктыгы боюнча текшерүү жүргүзүлдү.
Прокурордук текшерүүнүн жыйынтыгы боюнча көптөгөн мыйзам бузуулар аныкталды: системалуу баш калкалоо жана транспорт каражаттарын мас абалында башкарган айдоочуларды жоопкерчиликке тартпоо; укук бузуулар жөнүндө бюрократия материалдары; салынган штрафтарды кайтарып алуу боюнча тийиштуу чараларды көрбөө жана башка.
Ошентип, айдоочу Т.М. «Ауди-100» маркасындагы автоунаада мас абалында жол кырсыгына кабылган, бул адам медициналык кароонун актысы менен тастыкталган.
Бирок, Чүй облусунун Ысык-Ата райондук МАИ кызматкерлери жол кырсыгынан 4 ай өткөндөн кийин жол эрежесин бузуу фактысы боюнча расмий түрдө протокол түзүшкөн, ал эми мас абалында мыйзам бузуу фактысын жашырылган КЖБРге катталган эмес.
Ушундай эле из жашыруу фактысы «Хонда Фит» унаасынын айдоочусу Н.Кда болгон.
Жогорудагы фактылар боюнча Кыргыз Республикасынын Кылмыш-жаза кодексинин 337-беренеси (Кызматтык абалынан кыянаттык менен пайдалануу) менен кылмыш иштери козголуп, тергөө иштери Чүй облусунун прокуратурасынын тергөө бөлүмдөрүнө жүктөлгөн.
Ошол эле учурда Ысык-Ата райондук жалпы дарыгерлер практика борборунун медициналык кызматкерлери тарабынан адамдын алкоголдук мас абалында болгон экспертизасынын жыйынтыгын алмаштыруу жана жашыруу фактысы боюнча реестрдеги баштапкы жазууну өзгөртүү жолу менен жүргүзүлгөн. Медициналык текшерүүнүн оңдолгон жыйынтыгын кайра-кайра берүү менен текшерилген адамдар да аныкталды.
Жогоруда көрсөтүлгөн жана мыйзам бузуунун башка фактылары боюнча Башкы прокуратура тарабынан аныкталган мыйзам бузууларды, аларды жасоого шарт түзгөн себептерди жана шарттарды четтетүү боюнча прокурордук чара көрүү актылары тиешелүү органдарга киргизилген.
Башкы прокуратуранын басма сөз кызматы
Сүрөт www