Депутат Кадырбеков: Руслан Казакбаев Кыргызстандын эң таланттуу дипломаттарынын бири

Жогорку Кеңештин депутаты, Жогорку Кеңештин Эл аралык иштер, коргоо, коопсуздук жана миграция боюнча комитетинин мүчөсү Нуржигит Кадырбеков Vesti.kg сайтына Руслан Казакбаевдин тышкы иштер министри кызматынан кеткендиги боюнча комментарий берди.

Анын айтымында, Казакбаев Кыргызстандагы эң таланттуу дипломаттардын бири.

- Мен Казакбаев менен иштешкем жана аны Кыргызстандын эң таланттуу дипломаттарынын бири деп эсептейм, - деп баса белгиледи Кадырбеков. - Азыркы министрдин милдетин аткаруучу Жээнбек Кулубаев да карьерадагы дипломат, абдан тажрыйбалуу адам. Тышкы саясатта мындан ары да акылман багытты карманабыз деп ойлойм.

Ал арада Казакбаевдин өзү комментарий алуу үчүн жеткиликсиз болду.

Бир күн мурун Kaktus.media интернет-порталы өз булактарына таянып, Казакбаев Кыргызстандын Женевадагы БУУдагы жана башка эл аралык уюмдардагы туруктуу өкүлү болуп дайындалышы мүмкүн экенин жазган.

Эске салсак, өткөн жума күнү, 22-апрелде Руслан Казакбаев тышкы иштер министри кызматынан бошотулганы белгилүү болгон.

Тышкы иштер министрлигин эки жолу жетектеген. Биринчи жолу - 2010-2012-жылдары, андан кийин - 2020-жылдан 2022-жылга чейин.

Ал арада 23-апрелде Тышкы иштер министрлигинин жамаатына Тышкы иштер министринин милдетин аткаруучу, буга чейин президенттик аппараттын тышкы саясат бөлүмүн жетектеп келген Жээнбек Кулубаев тааныштырылды.

Элдос Казыбеков
Сүрөт www