Кылмыштуу топтун кызматкерлери ишкерди Бишкектен алып чыгып, тоноп кетишкен (видео, фото)
Бандиттер калган сумманы бир нече күндүн ичинде которуп берүү шарты менен ишкерди кое беришкен. Кылмышка шектүүлөр атайын күчтөрдүн жардамы менен колго түшүрүлгөн
Кыргыз Республикасынын ИИМдин кылмыш иликтөө башкы башкармалыгынын үчүнчү башкармалыгынын кызматкерлери тарабынан ыкчам иликтөө иш чараларын алкагында адам уурдоого шектүү кылмыштуу топту кармоо боюнча атайын операция жургүзүлдү.
Ушул жылдын май айында Бишкек шаарынын аймагында бир нече белгисиз кишилер 28-жаштагы жергиликтүү тургунду күч колдонуу менен “ Тойота” үлгусүндөгү унаага салып, ээн жерге алып кетишкен. Алар күч колдонуу менен жабырлануучуун коркутуп акча талап кылышып ишкерден 50.000 сом өлчөмдөгү акча каражаттын тартып алышкан. Андан соң бир нече күндөн кийин калган акчаны таап бер деген шарт менен жабырлануучуну кое беришкен.
Жогорудагы факт Бишкек шаарынын Свердлов районунун ИИБнын кылмыштарынын бирдиктүү реестрине Кыргыз Республикасынын Кылмыш жаза Кодексинин “ Адам уурдоо” 165-беренеси боюнча кылмыш иши козголуп, тергөө аракеттери башталган. 4-май күнү Бишкек шаарынын аймагында ИИМдин кылмыш иликтөө башкы башкармалыгынын үчүнчү башкармалыгнын кызматкерлери ИИМдин атайын операциялар отрядынын кызматкерлери менен биргеликте кылмыштуу топтун мүчөлөрүн кармоо жүргүзүлдү.
Атайын иш чаранын жүрүшүндө адам уурдоого катышкан шектүүлөр Ысык-Көл облусунда 1995-жылы туулган А.А., Чүй облусунун Жайыл районунда 1995-жылы туулган Б.М., Талас облусунда туулган 1995-жылы туулган О.М. жана Нарын облусунда 2003-жылы туулган Ш.Ж. кармалды.
ИИМдин КИББнын маалыматтына ылайык кармалгандардын арасынан экөөсү ИИМде уюшкан кылмыштуу топтун активдүү мүчөсү катары каттоодо турган.
Шектүүлөргө таандык эки автоунааны тинтүү учурунда Макаров тапанчасынын базасында жазалган травматикалык тапанча, 3-даана бычак, ошондой эле «Toyota», «Volkswagen Golf III», «Volkswagen Passat», «BMW 525» транспорттук каражаттарынын техникалык паспорттору жана эки мамлекеттик номердик белги табылып алынды. Азыркы учурда мындан аркы ыкчам иликтөө жана тергөө амалдары жүрүүдө.
ИИМдин маалымат кызматы