Шайлоо өнөктүгүнүн жүрүшүндө Кыргызстанда 129 кылмыш катталды

Жалпысынан ыкчам аракеттенүү координациялык тобуна кылмыштар жөнүндө 129 билдирүү келип түшкөн. Бул тууралуу БШКнын мүчөсү Тынчтык Шайназаров брифингде билдирди.

Ошентип, 191-берене боюнча (Шайлоо укуктарын жүзөгө ашырууга тоскоолдук кылуу) эки факт катталды: Ошто 1 жана Ош облусунда 1 факт.

Мыйзам бузуулардын негизги бөлүгү - 192-берене боюнча (Добуш берүүгө пара берүү) - бардыгы 79 мыйзам бузуу.

Анын ичинен Бишкек шаарында - 17, Ош шаарында - 11, Жалал-Абад облусунда - 11, Чүй облусунда - 12, Ош облусунда - 15, Ысык-Көл облусунда - 5, Талас облусунда - 1, Нарын облусунда - 2 сигнал.

195-берене (Шайлоо документтерин бурмалоо) боюнча 27 факт катталды.

Араван районунда 264-берене (Массалык баш аламандык) боюнча бир факт катталды.

310-берене боюнча (Бийликти күч менен басып алууга чакырык жасоо) эки факт катталды - Ош жана Чүй облустарында.

266-берене (Бейбаштык) боюнча 14 факт катталды.

313-берене боюнча (Расалык, этникалык, улуттук, аймактар ​​аралык кастыкты козутуу) УКМКнын Мамлекеттик тергөө башкармалыгынын алдында бир факт козголгон.

Жалал-Абад облусунда “Өз өмүрүнө кол салуу” беренеси боюнча бир факт катталды.

Бардык 129 кылмыштын ичинен эки кылмыш иши сотко жөнөтүлүп, 78 иш тергелип жатат.

Медина Купсулдаева
Сүрөт www