11-июлда “Ак-Кула” ипподромун сатуу боюнча аукцион өтөт

Бишкек шаарында 11-июлда Ак-Кула ипподромунун мүлк комплексин сатуу боюнча аукцион өткөрүлөт. Бул тууралуу мэриядан билдиришти.

Муниципалдык мүлктү башкаруу боюнча департаменти “Ак-Кула” ипподромунун мүлк комплекси буга чейин электрондук аукционго коюлганын эскертет.

Белгилей кетсек, мүлк комплекси 46 лотко бөлүнгөн. 37 лоттук аукцион 11-июлда өткөрүлөт.

Муниципалитеттин алдында мүлк комплексинин аймагында мектептерди, бала бакчаларды, инженердик курулуштарды, жолдорду жана жашыл аймактарды куруу үчүн жер тилкелери калтырылды.

Аукциондун жыйынтыгында жер участогу менчикке өткөрүлүп берилет.

Аукционго катышуу үчүн электрондук санариптик кол тамга флеш-картасын сатып алып, https://auctionetp.gov.kg/msu/ шилтемеси аркылуу катталып, ылайыктуу аукциондук лотту таап, маалыматтарды толтуруп, андан кийин төлөм коду аркылуу катышуу үчүн сумманы төлөө керек.