Улуттук банк: Доллардын кескин көтөрүлүшүнө психологиялык факторлор себеп болду
Улуттук банк кыргызстандыктарды дүрбөлөңгө түшпөөгө чакырат
Кыргызстанда доллардын кескин кымбатташына көбүнчө психологиялык факторлор себеп болду. Бул тууралуу Улуттук банктын расмий өкүлү Аида Карабаева маалымат жыйынында билдирди.
Анын айтымында, учурда валюта рыногунда абал салыштырмалуу туруктуу.
«Тышкы чөйрөдөгү кырдаал оор бойдон калууда», - деди ал. — Соода өнөктөш өлкөлөрдүн каржы рынокторунда жогорку туруксуздук байкалууда. Соода жана финансылык операциялар аркылуу базарлардын байланышы Кыргызстандагы кырдаалга таасирин аныктайт. Бирок Улуттук банк анын кесепеттерин жоюуга аракет кылууда. Өлкөбүздөгү валюта рыногунун активдешүүсүнө психологиялык факторлор себеп болууда”.
Карабаева жарандарды дүрбөлөңгө түшпөөнү жана мындай учурда валюталык операцияларды жасабоону сунуштады.
“Улуттук банкта валюта курсун кармап турууга жетиштүү резерв бар. Зарылчылык жаралса, дагы кийлигишүү болот», - деди ал.
Сүрөт www