Кытайдагы массалык нааразылыктар ковид чектөөлөрүнүн жумшартылышына алып келди
Коомдук маалымат каражаттарында вирустун жайылышын чагылдыруунун өңү өзгөрдү
Өткөн дем алыш күндөрү өлкөдө болгон ковиддик чектөөлөргө каршы массалык нааразылык акцияларынын фонунда Кытай бийликтери “нөл ковид” саясатын жеңилдетти.
Бейшемби күнү өзгөчө массалык нааразылык акциялары болгон ондогон райондор чектөө чараларын алып салышты.
Буга чейин, шейшембиде нааразылык толкунун баштаган Үрүмчүдө чектөөлөр жарым-жартылай алынып салынган.
Чектөөлөргө жана “нөл ковид” саясатына каршы ураандардын арасында Кытайдын төрагасы Си Цзиньпиндин кызматтан кетиши боюнча Кытай үчүн өтө адаттан тыш саясий талаптар пайда болду. Айрымдар болуп жаткан окуяларды “ак кагаздагы революция” деп атады.
Кытай Эл Республикасынын Мамлекеттик кеңешинин вице-премьери Сун Чунлан партия “жаңы кырдаалга” туш болгонун билдирди. Байкоочулар мамлекеттик маалымат каражаттарында вирустун жайылышы тууралуу билдирүүлөрдүн өңү өзгөргөнүн белгилешүүдө.
Булак
Сүрөт www